للعشاق !! قصيده اكثر من رائعه

السلام عليكم ورحمه الله وبركاته
هذا واحد اسمه خالد جاه مرض الله يكفينا شره وقالوله انه رح يموت 00
فكتب شعر لرفيقه يقوله فيه انه يحب حبيبته ويبي من خويه هذا انه يخليها تنساه00
اقروا القصيده وربي روعه بجد حب صادق ونظيف 00
هذي القصيده وان شاء الله تعجبكم
وصاتي لك من بعدي .... تموت فيها علشاني
ابيها تعيش وتحيا بك .... واظل بالذاكره مفقود
وصاتي لك تنسيها .... ملامح وجهي وتنساني
وتعزفها قصيده حب .... على عكس اللي عزفته بعود
وصاتي لك تبعدها .... عن اشعاري وقيفاني
تراها مغرمه بالحيل .... ويشهد لي عدد الردود
وصاتي لك تسايرها..... ترى فيها من الاحزاني
طلبتك لا يضيق بالك .... طلبتك والطلب مردود
وصاتي لك تناديها ....حياتي ..عمري..ازماني
انا عودتها دايم .... ادلعها وانا موجود
وصاتي لك تعلمها ..... بطبيه القلب واحساني
تراها تذرف الدمعه .... ودمعتها بليا حدود
وصاتي لك تحفظها ..... سور وايات قراني
وتخبرها عن الميت .... رحل لا يمكنه بيعود
وصاتي لك ترسمها.... على قبري واكفاني
ابيها لوحه تبقى ..... على طول الزمن محدود
وصاتي لك تمازحها.... وتشوف الضحكه باسناني
سعيتك يا ضحك هالكون .... طلبتك لا تصير جلمود
وصاتي لك تقهويها .... من دلالي وفنجالي
تراها تعشق السمرا .... ويكفيها دخون العود
وصاتي لك تركبها .... على خيلي وحصاني
وربي فارسه من القلب .... شهاده ماهي لشهود
وصاتي لك تسفرها .... بلاد الشام ولبناني
ترى يحلالها تقطف ورده .... وروده من بلد الورود
وصاتي لك تراقصها .... على الحان الرحباني
وصاتي لك تحببها ....في ابو نوره بعد هاني
وتنسيها ندم غلطه.... انا فيها ترى المقصود
وصاتي لك تكرها .... في تاريخي وعنواني
ابيها تلعن اللحظه .... وتلعن كل فرح موعود
وصاتي لك تكلمها .... عن المجني وعن الجاني
وتخيلني انا الظالم .... وانا من حرق الاخدود
وصاتي لك تشبهني .... بدم احمر قاني
وانا هالقاتل السفاح .... مجرم من عصر منرود
وصاتي لك تحلفها .... تتوب تحبني ثاني
ترى يكفيها ما عانت .... ويكفي حيلها مهدود
وصاتي لك تنسيها .... وصيه قالها لساني
انا اخبرك رجل موقف .... وانت قدها وقدود
صديقي مالقيت غيرك .... يعرف وشلون تنساني
امانه ضمها بقلبك .... ترى خالد رحل ما يعود
مع تحياتي

مشكور اختي نور على هذه القصيدة المأساوية وتم نقل هذه القصيدة من قسم الشعر الفصيح الى هذا القسم الشعر الشعبي بواسطة المدير لان قسم الشعر الفصيح يختص بالكلام الفصيح

ودمتي لنا سالمة نرجو المتابعه في كتابة المواضيع

مشكووووووووووووووووووووور

مشكوووووووور اختي ملكه عاشت الايادي

قصيده حلوه كثير والاحلى انهو تذكر بحبيبته قبل لا يموت

الــــقـــنــــــــــــــاص

شكرا لك اخي كاسب

شكرا لك اخي امير الغرام
شكرا لك اخي القناص

للمرور العطر نورتوا الموضوع بوجودك الشيق

القصيده تكون في اي قسم عادي المهم انها موجوده ويطلع عليها الاعضاء
ولكم جزيل الشك

تحياتي اختكم

الملكة